Gorbeiako Parke Naturaleko Atsedenguneak eta Aparkalekuak
Gorbeiako parke naturalaren Arabako partean hiru aisiagune daude:
Sarriako aisiagunea, parketxearen ondoan dagoena, Arabako Sarria herritik 2 km-ra. Egurrezko mahai eta eserlekuak ditu, baita ere zabuak, komunak, edateko ura eta zabor bilketa. 148 beribilentzako eta 22 autokarabanarentzako lekua du.
Muruako harrobietako aisiagunea, , Gorbeiako urtegien aldean dagoena, Murua herritik 3,7 km-ra (Araba). Mahaiak, egurrezko eserlekuak eta komun kimikoak ditu.
Garrastatxuko aisiagunea, Garrastatxuko baselizaren ondoan, Baranbiotik 2,8 km-ra (Araba). Mahaiak, egurrezko eserlekuak eta barbakoak ditu.
Hainbat aparkaleku daude parke naturalerako beste sarbide batzuetan:
Erabiltzaileek hondakinak banandu behar dituzte horretarako ipinita dauden edukiontziak egokiro erabiliz.
Ezin daiteke surik egin horretarako egokitutako lekuetan besterik. Uda aldian, sua egitea debekatuta dago eta barbakoak prezintaturik egongo dira.
Barbakoa guztiak erabilera erkidekoak dira eta bisitari guztiek dute haiek erabiltzeko eskubidea, heltzen diren hurrenkeraren arabera.
Ezin daiteke egurrik edo berezko elementurik erabili sua egiteko. Erabiltzaile bakoitzak bere egur ikatza erabili beharko du.
Aisiagune eta aterpeetan kokatutako mahai eta eserlekuek bizitza baliagarri mugatua dute. Hortaz, erabiltzaileek lagundu egin behar dute, haiek kontuz erabiliz.
Mahaiak ezin daitezke erreserbatu norbere gauzak bertan ipiniz. Mahaiak eta eserlekuak hutsik daudela iritziko da haiek okupatzen dituen inor ez badago.
Higiene zerbitzuak era egokian erabili behar dira, osasun eta garbitasun baldintzak mantentzeko. Instalazio horien erabilera desegokia, baita sortzen diren kalteak ere, haiek eragin dituen/dituzten pertsonaren/pertsonen erantzukizuna izango dira.
Debekaturik dago musika aparatuak erabiltzea
Ura aurreztea aisiaguneen erabiltzaileen eginbeharra da. Erabiltzaile guztiak saiatu behar dira ur gehiegi ez gastatzeko.
Txakurrak loturik egon behar dira aisia esparru guztian.
Ibilgailu pribatuak, horretarako prestatutako lekuetan utzi behar dira.
Debekatuta dago akanpatzea. Autokarabanek ezin dezakete ireki leiho zabukaririk, ez eta toldorik zabaldu, sorgailurik erabili edo kanpoan mahai eta aulkirik ipini ere.
Debekatuta dago prestaturik ez dauden lekuetan aparkatzea. Lekuen edukiera errespetatu behar da.
Autokarabana eta 5 metro baino luzeagoko ibilgailuentzako aparkalekua araututa dago eta, erabiltzeko, plaza erreserbatu behar da Sarriako aisiaguneko aparkalekuan. Autokarabanan bi gau eman daitezke bertan.
Osasun-arrazoiak direla eta, ezin da gaua parke naturalaren barruan igaro. Informazio gehiago.
Sarriako aisiagunea
Muruako harrobietako aisiagunea,
Garrastatxuko aisiagunea
Osasun-arrazoiak direla eta, ezin da gaua parke naturalaren barruan igaro.
Arabako PPNNetako aparkalekuetan erabiltzaileen artean izan daitezkeen gatazkak ekiditeko, check-in/sarrera eta check-out/irteera ordutegia ezarri da erreserbetarako:
Check-in ordutegia: 10:30etik aurrera
Check-out ordutegia: 10:00ak baino lehen
1 nondik 1
Bisitarientzako zentroak
Arabako parke naturaletako bisitarientzako zentroek ekainaren 2an zabalduko dituzte ateak, eta posta elektroniko bidez, telefono bidez edo bertaratuta jaso ahal izango da informazioa, honako ordutegi honetan:
Asteartetik igandera, 10:00etatik 14:30era eta 16:00etatik 19:00etara
Covid-19 gaixotasuna dela-eta osasun neurriak hartu behar direnez gero, hauek dira zentroak erabiltzek baldintzak:
Bisitariei banan-banan egingo zaie harrera eta, txanda iritsi bitartean, kanpoan itxaron beharko dute.
Eraikinean sartzeko derrigorrezkoa da maskara erabiltzea.
Bisitariek aukera izango dute ibilbide gidatuak egiteko; horien eskaintza jardueren agendan egongo da ikusgai.
Aparkalekuak
Aparkalekuak irekita egongo dira eta herriguneetatik kanpo daudenak erabiltzea gomendatzen da, herritar zaurgarrienak kutsatzea eragozteko. Hauek dira aparkaleku horiek:
Herrietako jendea ez kutsatzeko, ahalegina egin beharko da herrien barruan ez aparkatzeko eta herrien inguruan dauden aparkalekuak erabiltzeko, betiere plaza kopurua errespetatuz.
Gehiegizko ibilgailu pilaketak egonez gero, aparkalekurako sarbidea mugatu edo itxi ahal izango da.
Atsedenlekuak
Atsedenlekuak irekita egongo dira eta arau hauek bete beharko dira:
Kolunpio erabilera ekainaren 22tik aurrera baimenduta egongo da. Pertsona bat/ 4 m2
Derrigorrezkoa da mahaien artean gizarte urruntzea izatea eta 30 pertsona baino gehiagoko talderik ez osatzea.
Mahaiak eta eserlekuak erabiliz gero, komenigarria da erabili aurretik eta ondoren desinfektatzea, etxetik ekarritako xaboia edo desinfektatzailea erabiliz. Komenigarria da, halaber, erabiltzaileek mahai zapia eta mahai tresna berrerabilgarriak ekartzea.
Ez dago baimenduta tresnak iturrietan edo ibaietan garbitzea.
Erabiltzaileek beren zaborra etxera eraman beharko dute.
Txakurrak lotuta egon behar dira denbora guztian.
Gaua igarotzeko aterpeak itxita egongo dira.
Mendi Ibialdiak
Mendi ibilaldiak egin daitezke parke naturaleko ibilbideetan, gehienez ere 30 pertsonako taldeetan, eta COVID-19 gaixotasuna ez zabaltzeko eta ez kutsatzeko ezarritako neurriak bete beharko dira. Komenigarria da beti eskura izatea maskara bat eta gel desinfektatzailea. Mendiko bizikletan ere ibil daiteke, eta hobe da horretarako prestatutako pistak eta bideak (seinaleztatuta daude) erabiltzea. Parke naturaletan ezin da bizikletan 30 km/h baino abiadura azkarragoan ibili eta oinezkoek dute lehentasuna, ez txirrindulariek.
Arabako Foru Aldundian hainbat hezkuntza jarduera proposatzen dizkizugu modu dibertigarrian ikasteko. Eskulan eta jokoen bidez, espezie ospetsuak ezagutu ahal izango dituzu, hala nola Bechstein saguzarra edo baso igel jauzkaria.
Parke naturalak bisitari ororentzako jarduera ugari antolatzen ditu asteburuetan urte osoan zehar. Jarduera horien helburu nagusiak, batetik, eremuaren natura eta kultura balioak ezagutzera ematea da eta, bestetik, bisitariak etengabe egiten diren zaintza ekintzen parte hartzaile bihurtzea. Jardueretan parte hartzeko, alde aurretik izena eman behar da, posta elektronikoz edo telefonoz. Gure eskaintzaz jakin nahi baduzu, begiratu jardueren agendan.
Gasteiztik, Altubeko autobidetik (N-622) Murgia eta Gopegi herrietara heltzen zara, horiek baitira Arabako eremuan parkerako dauden ate nagusiak. Bilbo-Zaragoza autopistatik (A-68), Altubeko irteeratik ere Gorbeiaren Arabako aldera heltzen zara. Bilbo eta Gasteiz lotzen dituen N-240 errepideak Areatza eta Zeanuri herriak zeharkatzen ditu, Arratiako bailaran; hala, Bizkaiko eremuko parkerako atea da. A-68 autopistatik, Aretako irteeratik (Laudio) Orozkoko bailarara joan zaitezke; Gorbeiaren Bizkaiko aldeko parkerako beste atea da hori.
Nola heldu alde arabarrera garraio publikoan
Arabako Foru Aldundiak, Bide Azpiegituren eta Mugikortasunaren Sailaren bidez, herri arteko garraio sare berria abian jarri du: ordutegi eta ibilbide berriak ditu, ibilgailu irisgarriak, BAT txartelarekin ordaintzeko aukera, eta ibilbide optimizatuak, bai Araban, bai Gasteizen; helburua da pertsonen mugikortasuna hobetzea, garraio publiko bizkorrago, erosoago eta irisgarriagoa lortzeko.
Eskualdeko garraio zerbitzuak Murgia, Sarria, Murua, Etxaguen eta Beluntza herriekin lotzen du Gasteiz, Alavabus tarteko.Telefono zenbakia: 945 182 060.
Nola heldu alde bizkaitarrera garraio publikoan
Bizkaibus autobus zerbitzuak Bilbo eta beste herri bizkaitar batzuk Zeanuri, Artea, Orozko eta Areatzarekin lotzeko garraioa eskaintzen du. Bizkaibuseko autobus guztiek dituzte Free Wifi 4G eta USB kargagailuak mugikor eta tablet-etarako, entxufe arrunt batek baino karga abiadura altuagoan, bidaian zauden bitartean zure esperientzia goza dezazun. Bizkaibusek maskotak garraiatzeko aukera ere ematen du, eta teknologia hibrido eta elektrikoko autobusak dauzka.
Parke naturalari buruzko argitalpen ugari daude. Liburu, liburuxka, poster eta produktu digital batzuei esker, bisita antolatu, segurtasunez mugitu, zerbitzuez gozatu eta, batez ere, naturagunearen ondare natural eta kultural aberatsa ezagutu daiteke, aldiro egiten diren ikerlanen bitartez.
Fruta arbolen ondare genetikoaren berreskurapena eta kontserbazioa Gorbeiako Parke Naturalean eta horren eragin eremuan. (2017 PDF)(Eranskinak 2017 PDF)
