LIFE Oreka Mendian proiektuak (LIFE15 NAT/ES/000805, Euskal mendietako larre habitaten kontserbazioa eta maneiua) helburu hau du: ohiko erabilerari eustea abiapuntu hartuz, mendialdeko larre ingurunean kontserbazio estrategia bat garatzea, ahalbidetzen duena kontserbazio egoera mesedegarria berreskuratzea Habitaten Zuzentarauaren (92/43/EEE) I. eranskineko 12 larre habitat motarentzat eta II. eranskineko 2 espezierentzat.

LIFE Oreka Mendian proiektuak 5 urteko indarraldia dauka (2016ko irailetik 2021eko azarora) eta 3.743.704 euroko aurrekontua, Europako ekarpena izanik 2.246.223 €, hau da, kostu hautagarrien % 60.

Proiektu hori garatzeko hauek batu dira: HAZI Fundazioa, onuradun koordinatzaile gisa jardunez; Arabako Foru Aldundia, Bizkaiko Foru Aldundia, Gipuzkoako Foru Aldundia, Conservatorie D’Espaces Naturels D’Aquitania, Euskal Herriko Laborantza Ganbara, Euromontana eta NEIKER-Tecnalia - Nekazal Ikerketa eta Garapenerako Euskal Erakundea, onuradun elkartu gisa jardunez; eta Ihobe - Ingurumen Jarduketarako Sozietate Publikoa, kofinantzatzaile gisa.

Jardun eremua EAEko Natura 2000ko 15 leku dira, zeinetan plangintza, jardunak eta horien jarraipena egingo baitira, eta Iparraldeko Natura 2000ko 8 leku, zeinetan dagoeneko egiten ari diren jardunen jarraipena bakarrik egingo baita.

Hauexek dira Gorbeian egindako ekintza nagusiak:

• Sastraka kontrolatzea, sastraka kentze planifikatuen bidez.

• Irisgarritasuna hobetu eta erakarguneak sortzea, egun gutxi erabilitako eremuak abeltzaintzarako erabiltzea finkatzeko, ur puntua eraikiz.